Екипата на Интер изминатиот викенд ја прекина доминацијата на Јувентус во Серија А и по пауза од 11 години ја освои шампионската титула. Екипата предводена од Антонио Конте на клупата и Ромелу Лукаку на теренот доминираше во Серија А, имаше серија од 14 победи по ред и сосема заслужено дојде до титулата, која вкупно е 19. во историјата.

Претседателот и сопственик на клубот, Стивен Жанг не го криеше воодушевувањето од остварениот успех, а уште повеќе поради податокот дека обезбеди финансиска стабилност на Интер. Имено, Жанг успеал да се постигне договор со американскиот инвестициски фонд „Baine Oaktree“ кој ќе инвестира 250 милиони евра во Интер.
Со тие пари, Жанг ќе ги покрие дупките и ќе им овозможи на Конте и директорот Бепе Марота да имаат доволно средства за ангажирање на фудбалери со кои Интер ќе се обиде идната сезона да ја нападне и титулата во Лигата на шампионите.