На Инстаграм можат да се пријавуваат лажните вести
Инстаграм воведува функција за пријавување и обележување лажни вести. За да се пријави одредена содржина, ќе треба да кликнете на трите точки во горниот десен агол и да обележите „несоодветно” или „лажно”, коешто се однесува на објавата.
Содржината може да биде означена како лажна вест, по проверка на тимот на Инстаграм задолжен за тоа.
Претставничката на компанијата, Стефани Отвеј нагласи дека објавите со таква ознака нема да бидат целосно отстранети, но нивното распространување, со помош на хаштагови, на пример, ќе биде минимализирано.
Инстаграм е бесплатна платформа за споделување слики и видеоснимки која што нуди опции за нивно уредување и споделување на други социјални мрежи.