На германскиот спорт му се потребни милијарда евра за да преживее
Олимпискиот комитет на Германија (ДОСБ) објави дека нивното истражување за штетата предизвикана од пандемијата на коронавирусот покажало дека се потребни милијарда евра за да преживее германскиот спорт.
Претседателот на ДОСБ, Алфонс Хорман во излагањето пред спортската комисија во германскиот парламент нагласи дека на 90.000 клубови им се потребни најмалку 12.000 за да ја преживеа кризата предизвиканата од пандемијата на коронавирусот.
Истовремено, на гермнаските спортски федерации им се потребни околу 235 милиони евра дополнителна помош за да ги покријат загубите поради откажаните натпревари и спортски настани.
Die Schäden im organisierten Sport in Deutschland werden durch die Corona-Pandemie wohl in Milliardenhöhe gehen. Mehr dazu:https://t.co/ihvav59yL6 pic.twitter.com/TEAibQS3TK
— DOSB (@DOSB) May 27, 2020
– На германските спортски екипи им се потребни околу милијарда евра помош за да преживеат – изјави Хорман.
На помош од државата моментно сметаат и 255 екипи од првата и втората лига во ракомет, кошарка, хокеј и одбојка.
– Доколку државата не го поддржи професионалниот спорт и лигите, сите овие натпреварувања повеќе нема да постојат во овој облик кој што го знаеме – изјави Франк Штофел, од спортската комисија на германскиот парламент.
Од главните спортски натпреварувања во Германија, досега само фудбалот се врати, додека останатите спортови или ги одложија или во целост ги откажаа своите национални првенства.
