Претседателот на Институтот Роберт Кох, Лотар Вилер, смета дека е можно германските болници, поради ширењето на корнавирусот, да дојдат до границите на своите капацитети.

Вилер, во интервју за „Франкфуртер Алгемајне цајтунг“, рече дека мора да се води сметка зошто тие капацитети не се доволни.

„Состојбата како во Италија е можна и во Германија“, нагласи Вилер, наведувајќи дека не може да се исклучи можноста дека ќе има повеќе пациенти отколку што има респиратори.

Тоа што пандемијата во Германија, споредена со меѓународната, е релативно поблага, се смета дека е поради популацијата на оние кои се заболени.

„Најпрво во Германија од вирусот беа погодени лица кои не спаѓаат во ризичните групи, зошто многу во ланецот на пренесувањето на вирусот биле, на пример, на скијање. Ако дојде до пренесување во домовите за стари  лица и во болниците, се заканува опасност дека уделот на различни групи ќе се зголеми“, нагласи Вилер.

Размислувањата за брзо враќање во нормалата, Вилер ги смета за погрешен пат за излез од кризата.

„Од медицински агол сакам што подолго да го издржиме просторното дистанцирање“, рече тој, додавајќи дека Германија е уште на почетокот на бранот и дека пандемијата мора сериозно да се сфати.

Во Германија моментално има над 55.000 лица инфицирани од коронавирус, а овој вирус однесе над 400 животи.