На денешен ден НБА лигата го запозна Мајкл Џордан (ВИДЕО)
Пред точно 36 години, на денешен ден Мајкл Џордан дебитираше во НБА лигата.
На 26. октомври 1984 година на паркетот во сега веќе срушената сала „Чикаго стадиум“ за прв пат на НБА паркетите стапна кошаркарот на Чикаго булс во дресот со број 23.
Тоа беше на натпревар против Вашингтон булетс (сега визардс), а самиот учинок на Џордан беше најава за тоа што може да се очекува од него во продолжение од кариерата.
Џордан натпреварот го заврши со 16 поени, седум асистенции, шест скокови, четири блокади и две украдени топки, а неговиот тим славеше со 109:93.
36 years ago, Michael Jordan made his NBA debut for the Chicago Bulls.
? 16 PTS
? 6 REB
? 7 AST
? 4 BLK
? 2 STLWe all know how the rest of his career went: ? pic.twitter.com/lXwwowKZ7f
— ESPN (@espn) October 26, 2020
На крајот од сезоната Мајкл Џордан беше избран за дебитант на годината, а сезоната ја заврши со просек од 28.2 поени, 5.9 асистенции, 6.5 скокови и 2.4 украдени топки по натпревар.
До крајот на кариерата Мајкл Џордан за многумина стана најдобар кошаркар во историјата. 14 пати настапи на Ол стар натпреварите, освои шест шампионски титули и шест пати беше прогласен за МВП на финалето, а пет пати беше избран и за МВП на регуларниот дел на сезоната.