На денешен ден: „Божјата рака“ на Диего Марадона! (ВИДЕО)
На денешен ден (22 јуни 1986 година) беше одиграно четвртфиналето на Светското првенство во Мексико, кога Аргентина ја совлада Англија со легендарните голови на Диего Марадона.
И двете репрезентации на овој Мундијал дојдоа со желба да ја освојат титулата, на крајот „гаучосите“ се најдоа на врвот.
Диего Армандо Марадона на тој меч против Англичаните го постигна и еден од најконтроверзните голови во историјата на светскиот фудбал, но исто така и еден од најубавите во својата професионална кариера.
Погодокот за водство се случи во 51 минута, познат како „Божја рака“. Во април славниот Аргентинец имаше изјава околу голот и за кој призна дека скокна, но недоволно високо за да ја удри топката со глава.
Англија веднаш бурно реагираше дека голот е реализиран со рака, но главниот судија од Тунис само покажа кон центарот.