15 C
Скопје

На денешен ден – 2 јануари

1799.- Трупите на францускиот генерал Наполеон Бонапарта влегле во Сирија.

1837.- Роден е рускиот композитор, пијанист и диригент Милиј Алексиевич Балакирјев, поттикнувач и идеен водач на композиторската група која е наречена Балакирјев кружок или „Големата петорка“. Во групата членувале Цезар Кјуј, Модест Мусоргски, Николај Римски – Корсаков и Александар Бородин. Дела: симфониските поеми „Русија“, „Тамара“„, музика за „Кралот Лир“, клавирски композиции, вклучувајќи ја и фантазија „Исламеј“.

1939.- Францускиот пионер на фотографијата Луј Дагер ја снимил првата фотографија на Месечината.

1905.- Русија по поразот во руско-јапонската војна била принудена на Јапонија да и го отстапи пристанишниот град Порт Артур, на манџурскиот брег.

1905.- Над селото Кнежево, Kратовско, почнал Конгресот на Скопскиот револуционерен округ на ТМОРО што траел до 7-ми јануари истата година.

1920.- Роден е американскиот писател и професор по биохемија Исак Асимов, пишувач на научно-фантастична проза. Научно-популарни дела: „Хемикалиите на животот“, „Ѕвездите и нивните патишта“, „Наука, броевите и јас“. Книжевни дела: „Јас, робот“, „Голо сонце“, „Вселенски струи“, „Крај на вечноста“.

Прочитајте и...  Рамадани: ковид-19 се искористува за геополитички влијанија

1946.- Македонските политички затвореници од затворот „Касандра“ во Грција, упатиле апел до владите на СССР, на Велика Британија и на САД во кој меѓу другото, се вели: „Во сегашните историски денови, ние припадниците на македонскиот народ во Егејска Македонија, кои се боревме против другите окупатори и нивните слуги, принудени сме сега и на политичко поле да водиме тешка борба против грчката реакција…“.

1959.- Лансиран е првиот вселенски брод кон Месечината, советската „Луна I“ без човечки екипаж.

1971.- Во текот на фудбалскиот натпревар помеѓу Селтик и Ренџерс, во шкотскиот град Глазгов се урнал дел од трибина на стадионот „Ајброкс парк“ при што загинале 66 навивачи.

1988.- Во Скопје умрел д-р Ремон Рубен, професор на Медицинскиот факултет во Скопје и еден од водечките стручњаци во областа на дерматовенерологијата во Македонија. Тој има голема заслуга за основањето и дејноста на Клиниката за кожни и венерични болести на Скопскиот медицински факултет. Роден е во Скопје, во 1911 година.

Прочитајте и...  На инфективните оддели има 1735 пациенти со ковид-19, во Скопје за 24 часа 49 хоспитализирани

1993.- Во Белград умрел Михаило Лалиќ, еден од најголемите современи црногорски прозни писатели и академик. Најпознати негови дела се „Свадба“ и „Лелејска гора“.

1995.- Поранешниот претседател на Сомалија Мухамед Сијад Баре, кој на власт дошил со пуч во 1969 година и на ист начин бил отстранет во 1991 година, умрел во бегство во Нигерија.

1999.- Умрел Јордан Конев, еден од доајените на македонското новинарство. Роден бил во Штип, на 12 ноември 1931 година.

2004.- Умрел Александра Рипли, американска писателка, која го напишала контроверзното продолжение на легендарниот роман на Маргарет Мичел „Одвеано со виорот“. Рипли е позната по историските романи за американскиот Југ во 19. век. Во 1991 година го напишала романот „Скарлет“, кој е продолжение на романот „Одвеано со виорот“. Таа е автор и на делата „Чарлстон“, „Напуштајќи го Чарлстон“, „Наследството на Њу Орлеанс“ и други. Родена била во 1934 година.

Прочитајте и...  Нелоски: Поради скандалот „Мафија" ни се заканува укинување на безвизниот режим

2013.- Умрел Благоја Дојчиновски – Дојо, истакнат стопанственик кој 13 години беше претседател на Управниот одбор на фондацијата „Милениумски крст“ при Македонската православна црква и имал големи заслуги за изградбата на Милениумскиот крст на Водно во 2002 година.

2016.- На 65-годишна возраст починала пејачката Натали Кол, ќерка на џез легендата Нет Кинг Кол. Таа во 1991 година го снимила албумот „Unforgettable… With Love“, кој бил продаден во 14 милиони примероци и освоил шест Греми награди. Истоимената песна, во изведба како виртуелен дует со нејзиниот покоен татко, била и најголем хит во нејзината кариера.

 

Поврзани вести

ЦГК: Државата наплатува само 8,2 милиони евра годишно за експлоатација на минералните суровини

Слободен печат

Сè за бразилскиот вид коронавирус: Колку е опасен и дали вакцините ќе делуваат?

Илинка Иљоска

Богоев: Со дигитализација и системски промени против корупција

Слободен печат

ВИДЕО| Локвенец: Кога не работи сигнализацијата, возот запира, кондуктерот излегува и го стопира патниот сообраќај

ВИДЕО | Богдановиќ: Наша задача е да провериме дали сите закони и правила на игра се испочитувани околу парцелата кај Холидеј ин

Слободен печат

Документот на Јанша за завршување на распадот на СФРЈ, доставен преку тајни канали, повикува и на враќање на Груевски

Слободен печат

Остави Коментар