3 C
Скопје

На бизнисменот Метју Молдинг најважни му се вработените: Им дал подарок вреден 23,5 милиони евра

Милијардерот Метју Молдинг заработи 930 милиони евра откако скокна цената на акциите на неговата компанија „Хат груп“.

Четириесет и осумгодишниот Молдинг ја основал компанијата со партнерот Џон Галемор во 2004 година, а тие заработиле вистинско богатство во изминативе 16 години. Иако според сопственото признание, тој доцна започнал да го користи интернетот, тој прв почнал да продава цедеа преку интернет, а денес неговиот бизнис се разгранува на 100 интернетски страници, кои се фокусираат на здравјето и убавината.

принтскрин/Youtube

Неговата компанија продава низа производи, од козметички до протеински додатоци. Покрај тоа, неговата фирма стои зад големите брендови како „Хонда“ и „Нестле“.

Иако „Хaт груп“ на берзата се нашла дури во септември, цените на акциите скокнаа, а Молдинг заработи огромни пари.

Прочитајте и...  ФОТО | Ниско и сексистички: Џим Кери на удар на јавноста поради карикатурата на Меланија Трамп

Но, до тоа не дошол лесно. Британските медиуми пишуваат дека тој работи по цели денови, а за да биде во функција, во „погон“, пие и до 20 кафиња дневно. Иако работи толку напорно, сепак се грижи за своето здравје и изглед и не пропушта да оди во теретана.

Тој е среќно оженет и редовно оди на луксузни одмори на Малдивите со семејството, сопругата и децата.

11 милиони евра за борба против коронавирусот

принтскрин/Youtube

Меѓутоа, никогаш не го заборавил своето скромно потекло и растењето во работничко семејство во скромната куќа. Затоа, целата своја годишна плата од 840.000 евра ја донира во добротворни цели. Тој исто така донирал и 11 милиони евра за борба против коронавирусот и повеќе од два милиона евра за медицинските работници на првата линија на борбата против коронавирусот.

Прочитајте и...  Која е вистината? Мила и Ештон цел свет ги разведува, а тие планираат заеднички проекти

Најважни му се вработените

Молдинг се погрижил и за оние што стојат зад неговиот успех, за своите вработени.

Минатата година, вработените во групацијата „Хaт“ во Манчестер поделиле меѓу себе акции на компанијата во вредност од 23,5 милиони евра, а неколку од нив станале мултимилионери поради тоа, рекол Молдинг.

Никој не доби помалку од неколку стотици илјади – додал тој.

принтскрин/Youtube

Меѓу нив е и неговата асистентка, која заработила толку многу од акциите што можела да се пензионира на само 36 години.

Со подемот на Џереми Корбин, атмосферата е насочена против приватното претприемништво, но постојат претприемачи кои сакаат да направат добра работа. Никој не е совршен, но ние сакаме да го споделиме нашето богатство – рекол Молдинг.

Прочитајте и...  Тајчи: Бев силувана и сметав дека тоа е по моја вина!

Откако е основана компанијата во 2004 година, на вработените им се поделени една петтина од нејзините акции.

Поврзани вести

Едноставни и вкусни: Меки бисквити со тиква

Слободен печат

Која е вистината? Мила и Ештон цел свет ги разведува, а тие планираат заеднички проекти

Слободен печат

Уште две нови жртви на Мирослав Мика Алексиќ: Едната девојка со потресна исповед

Слободен Печат

Воопшто не им е лесно: За Иванка Трамп и сопругот нема повеќе место во Вашингтон, а не ги сакаат ниту во Њујорк

Слободен печат

Ви го претставуваме виното ANTIGONA 2019 од Стоби

Слободен Печат

Азија Арџенто со ново обвинение: Режисерот Роб Коен ме силуваше додека го снимавме филмот „Брзи и бесни“

Слободен печат

Остави Коментар