На 25 март: Пет римски богови ќе се постројат на небото
Планетите Јупитер, Меркур, Венера, Уран и Марс во периодот од 25 до 30 март ќе се подредат во линија една зад друга, а на оваа неевообичаена парада ќе се придружи и Месечината.
На реткиот вселенски феномен, кој ќе биде впечатлив само ако се набљудува од Земјата, ќе му се придружи и Сатурн, но брзо ќе замине Јупитер, веќе на 28 март.
Астрономите објаснуваат дека целосниот феномен ќе биде видлив од места што не се „загадени“ од градската светлина, но и од секое место ќе може да се забележат барем најсјајните планети – Венера, Марс и Сатурн. При ведро небо, Уран и Меркур ќе може да се забележат со двоглед или, уште подобро, со телескоп.
Идеалното време и позиција, пак, е западниот хоризонт веднаш по зајдисонце на 25 март. Два дена подоцна, формацијата од планети ќе може да се забележи на источниот хоризонт, пред изгрејсонце.