На 20 декември нов протестен марш за чист воздух во Скопје
За 20 декември во 17 часот е најавен нов протестен марш во Скопје, за кој здруженијата за чист воздух и животна средина се обединија за да го организираат. И овој протест како претходниот, ќе почне пред Министерството за животна средина и ќе заврши пред Владата на СРМ.
Овој протест доаѓа по најголемиот еколошки протест во земјата досега, кога 30-ина граѓански здруженија од цела Македонија се здружија за да го организираат т.н. „Марш за чист воздух“.
Идејата на организаторите со протестот е да ја потсетат Владата дека првиот рок за исполнување на нивните барања истекува на 31 декември.
– Остануваме на улиците за да потсетиме на нашите барања, затоа што ова е прашање на живот или смрт и не смее да се чека ниту момент повеќе – се вели во најавата на протестот од организаторите Зелен фрон, зад кој стојат 35 граѓански здруженија и инцијативи.
По протестот на 29 ноември, Владата објави дека ги прифаќа првите седум изнесени барања на инцијаторите.
– Го поздравуваме чекорот на Владата за прифаќање на нашите седум првични барања, но се согласуваме да има средба само откако тие ќе бидат во целост исполнети – рекоа од „О2 иницијатива“.
ГАЛЕРИЈА l Илјадници граѓани од цела Македонија најгласно до сега порачаа: Сакаме да ДИШЕМЕ!