МЗТ во финишот го „скрши“ отпорот на Борац – Слободен печат
КошаркаСпорт

МЗТ во финишот го „скрши“ отпорот на Борац

Продолжува одличната серија на кошаркарите на Кочов, ја забележаа и четвртата победа по ред во регионалното натпреварување.

Денеска во СЦ „Јане Сандански“ – Скопје македонскиот шампион МЗТ Скопје Аеродром во дербито на четвртото коло од АБА2 лигата го совлада Борац Чачак со 76:69 (18:11, 20:28, 19:22, 19:8).

За нашиот првак најефикасни беа Д. Стојановски со 16 поени (седум скокови) и Џ. Хиндс со 15 поени (четири асистенции).

Кај српската екипа Б.Т. Џонс со 22 поени 910 скокови), следен од Р. Ѓокович со 11 поени и Н. Кочовиќ со 10 поени (по четири скокови и асистенции).

Ова е четврта победа по ред од почетокот на сезоната за „металците“ и со новите два бода се зацврстија на првото место на табелата, сега еден повеќе од Борац и Сутјеска кои се на делба на второто место.

Наредниот меч „штрковите“ предводени од тренерот Ѓорѓи Кочов во регионалното натпреварување ќе го имаат на 31 октомври на гостински терен во Црна Гора против Сутјеска.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close