Втора победа по ред за кошаркарите на МЗТ Скопје Аеродром во пресрет на новата сезона, овојпат во првата од двете пресметки на домашен терен против бугарскиот тим Рилски спортист со 82:65 (30-14, 21-19, 14-18, 17-14).

За актуелниот македонски шампион Марко Баковиќ беше најефикасен со 16 поени и седум скока, Душан Танасковиќ реализира 15 поени, Бојан Крстевски постигна 11, а Марко Миловановиќ 10 поени.

Зад името на Војдан Стојановски, пак, останаа запишани девет поени и по шест скока и асистенции.

„Металците“ ќе го играат вториот контролен меч против Рилски спортист денеска од 17.00 часот, а истиот ќе биде од затворен карактер.

Првиот официјален натпревар играчите на тренерот Васко Атанасов ќе го имаат на 23 септември (сабота) во Суперкупот против Феникс 2010 во СРЦ „Кале“ – Скопје.