Екипата на МЗТ Скопје оствари убедлив триумф од 20 поени разлика во првиот од предвидените два контролни натпревари со најдобриот бугарски тим Левски Лукоил.

„Металците“ славеа лесна победа од 94:74.

Кошаркарите на МЗТ Скопје уште во првата четвртина ја демонстрираа моќта против бугарскиот тим правејќи серија од 17:3, а во втората четвртина предноста на избраниците на Ѓорѓи Кочов изнесуваше и 21 поен разлика (36:15).
Во второто полувреме, кошаркарите на МЗТ Скопје рутински ја одржуваа предноста од 20-тина поени и во ниту еден момент не му дозволија на противникот да ја врати резултатската неизвесност.

Најрасположени во тимот на МЗТ Скопје беа Андреј Магдевски и Дамјан Стојановски со по 17 поени, Феми Олуџоби постигна 15, а Хасани Гравет 10 поени и 10 асистенции. Вториот натпревар ќе се игра утре со почеток во 14 часот.