МЗТ Скопје стигна до уште една победа на турнирот на Златибор. Како дел од третото коло во АБА 2 лигата, составот од Аеродром славеше против босанскиот Широки Бријег со 73:80.

Во натпревар во кој популарните „металци“ имаа постојано водство, во еден момент од второто полувреме и од 14 коша разлика, на крајот, сигурен триумф за поместување во оној горен дел од табелата во кој има неколку екипи со ефект од две победи и еден пораз, а кои го делат второто место.

Македонскиот претставник до вториот триумф по ред дојде најмногу благодарение на Американецот Олуџоби кој реализираше 24 поени, втор стрелец беше Стојановски со 15 поени. На спротивната страна Хрватот Буљевиќ постигна 20 поени, а два помалку запиша Дрезњак.

На табелата води Студентски Центар од Црна Гора со максимални шест бода, пред Спарс Сараево, МЗТ, Слобода, Подгорица и Работнички кои имаат по пет. Аеродромци својот четврти меч ќе го имаат на 18 ноември против Борац Бања Лука.

В понеделник од 21.00 часот Работнички ќе го игра својот последен четврти меч во „балонот“ на Златибор. За противник, Димитар Мираковски и неговите играчи го имаат амбициозниот Младост од Земун.