Кошаркарите на МЗТ Скопје не се предаваат и сѐ уште веруваат во опстанокот во АБА лигата, денес во ,,Јане Сандански” беше совладат тимот на Задар со 84:80.

Имаа плус 20 кошаркарите во „сино-бела“ комбинација, онаа скопската секако во однос на задарската. Но до крајот на мечот кој беше еден од оние три кои се нарекуваат „да се биде или не“, стравуваа за победата, за опстанокот во јадранската конкуренција.

На крајот, тој голем „вишок“ го одбранија популарните „металци“, па стигнаа до петтата победа во АБА лигата.

Останува да ги добијат и наредните два натпревари, а нивниот конкурент, Борац од Чачак да ги загуби последните, за да се стигне до баражот.

Мајк Кефи со 19 поени беше најефикасен во тимот на МЗТ Скопје, Миќовиќ постигна 15, имаше и 11 скокови, додека Кук реализираше 14 поени.