9.2 C
Скопје

МЗТ до Антиќ: Угледајте се на РФМ, помогнете, одврзете го ќесето!

И кошаркарскиот клуб на МЗТ Скопје Аеродром со голема доза на љубомора како што информира вчера ја проследи информацијата што побуди голем интерес во спортската јавност дека раководството на Ракометната федерација на Македонија (РФМ) донела одлука за помош на клубовите во износ кој нема да биде помал од 6.000-7.000 евра месечно.

Првиот човек на македонскиот ракомет и неговите соработници решија да ги ослободат суперлигашите од плаќањето котизација, но и од плаќањето тестови за Ковид-19, кои во престојната сезона ќе ги има многу, што дефинитивно ќе им го олесни функционирањето.

Во тој момент ни беше премногу криво што во кошарката немаме предводник од калибарот на Живко Мукаетов, кој постојано мисли на тоа како да им биде од помош на клубовите, без да фаќа страни и да формира непринципиелни коалици.

Прочитајте и...  Личниот лекар на Марадона ги фалсификувал потписите на медицинските документи!?

Наместо тоа, ние го имаме Перо Антиќ, кој шест месеци, од прекинот на првенството поради пандемијата со коронавирусот, воопшто и не помислил да направи нешто што би им помогнало на клубовите поради кои КФМ воопшто и постои. Освен што успеа да ги задоволи „ниските страсти“ на своите коалициски партнери и му ја „украде“ титулата на МЗТ Скопје Аеродром, за што вложи несекојдневен напор, бесконечни и нестатутарни гласања, сѐ додека не си го истера своето.

РФМ ќе ги помага екипите: Федерацијата ќе ги плаќа тестирањата на коронавирус

Тоа е единствениот „успешен“ проект на Перо Антиќ во неговиот мандат, кој влегува во втората година, а кој ќе се памети само по неуспеси. Септември дојде, а конкретни најави за начинот на кој ќе почне првенството нема, ниту, пак, некој во КФМ се труди да го направи тоа. Собранието беше одложено и сѐ уште не е одржано, иако поминаа скоро 16 месеци од претходното. Никој не ја знае финансиската слика, ниту каде се потрошени парите, како и за тоа колкав ќе биде буџетот за годината која веќе влегува во втората половина . Пандемијата се користи како изговор да не се работи ништо, иако во меѓувреме сите други федерации функционираат најнормално. Дури и Фудбалската федерација со повеќекратно повеќе членови одржа Собрание без никакви проблеми, но Антиќ сѐ уште се плаши од тоа. Дали од Ковид-19 или од соочување со разочарувањата кај клубовите, знае само тој самиот.

Прочитајте и...  Гечевски: Не се откажуваме од Јакимовски и од Вајли

Господине Антиќ, без разлика на сѐ што досега (не) направивте, барем сега соберете сили и следете го примерот на РФМ. Како што од збор до збор им го препишавте протоколот за тренирање, така препишете им ја и оваа одлука. Парите што летово не ги потрошивте на репрезентативните селекции, пренамените ги за помош на клубовите. Тие се вашата база. Без нив ниту вие ниту КФМ ќе постои. Укинете ја котизацијата, најдете начин да „елиминирате“ и други трошоци кои прволигашите сигурно ќе ги имаат, меѓу што сигурно се и тестовите за коронавирусот.

Барем сега покажете дека ги сакате сите клубови еднакво и почнете да работите во интерес на сите, а не само на пријателите со кои го минувате и слободното време и на кои веќе им ја остваривте најголемата желба – МЗТ Скопје Аеродром да не биде шампион – објавија од КК МЗТ Скопје Аеродром.

Прочитајте и...  ВИДЕО: Арсенал елиминиран, ФА купот ќе има нов шампион!

Поврзани вести

Работнички со прва победа во зимскиот подготвителен период

Слободен печат

Гечевски: Не се откажуваме од Јакимовски и од Вајли

Благоја Георгиевски

ВИДЕО: Арсенал елиминиран, ФА купот ќе има нов шампион!

Слободен печат

Ристовска: Лазаров уште утре би можел да биде селектор на Македонија!

Слободен печат

Георгиевски: Мора да бидеме подобри на дуелот против Белорусија

Слободен печат

Роналдо одбил понуда од шест милиони евра годишно

Слободен печат

Остави Коментар