Во врска со случајот пренесен преку видео снимка на социјалната мрежа „Тик-Ток”, Министерството за внатрешни работи (МВР), преку Секторот за компјутерски криминал и дигитална форензика при Бирото за јавна безбедност, веднаш презеде мерки и активности за утврдување на деталите од видеото, меѓу кои и откривање на идентитетот на лицето.

– Како резултат на тоа, вечерва во 20.10 часот полициски службеници од СВР Тетово го лишиле од слобода А.Џ. (39) од с. Боговиње, поради основано сомнение дека на социјалната мрежа „Тик-Ток“  објавил видео, на кое малолетно дете пука со пиштол, а му помагаат две лица. Тој е задржан во Полициско одделение Камењане и се преземаат мерки за расчистување и документирање на случајот, по што против него ќе биде поднесен соодветен поднесок за „недозволено изработување, држење и тргување со оружје или распрскувачки материи”, предвидено и казниво по чл. 396 од Кривичниот законик, се вели во соопштението на МВР.

Од МВР додаваат дека за настанот е информиран и Центарот за социјална работа, кој презема соодветни мерки согласно нивната надлежност.

ВИДЕО I Се шири како настан во тетовско: Малолетник пука со пиштол со помош на двајца возрасни мажи