МВР провери: Дојавите за бомби во три основни училишта во скопско се лажни

Фото: Слободен печат - Драган Митрески

Министерството за внатрешни работи ја известува јавноста дека се направени сите потребни проверки во врска со денешните пријави од училиштата во скопско кои добиле порака на електронската адреса со закана за поставена експлозивна направа, и утврдено е дека станува збор за лажни пријави.

-Денеска (02.12.2022) околу 07.30 часот во СВР Скопје е пријавено дека на електронски адреси на три основни училишта во скопско е упатена закана за поставена експлозивна нaправа. Веднаш по добиените пријави, од полициски службеници се преземени мерки за безбедно евакуирање на училиштата, а потоа се извршени и детални проверки од тимови за антитерористички проверки и утврдено е дека станува збор за лажни пријави, соопшти МВР.

Вчера меѓу училиштата кои добија закани првпат беа и две основни училишта, и тоа ООУ „Петар Поп Арсов“ во Карпош 4 и ООУ „Кочо Рацин“ во Центар. Сите училишта беа проверени и дојавите потврдени како лажни.
Утрово меѓу таргетираните основни училишта кои се испразнети по дојавата е и ООУ „Кочо Рацин“ во Петровец, дознава „Слободен печат“.
Видео на денот