МВР достави одговор до АВМУ: Боки 13 не бил обезбедуван од полициски службеници – Слободен печат
ВестиМакедонија

МВР достави одговор до АВМУ: Боки 13 не бил обезбедуван од полициски службеници

АВМУ денеска извести дека Министерството за внатрешни работи (МВР) доставило одговор во врска со барањето за информација дали лицето Бојан Јовановски било обезбедувано од ова министерство како сопственик на 1 ТВ.

Агенцијата за аудио и аудиовизуелни медиумски услуги (АВМУ) продолжува со постапката за утврдување на фактичката состојба за можното тајно содружништво во 1 ТВ.

„Во насока на заштита на јавниот интерес и за расветлување на случајот од регулаторен аспект, очекуваме соработката со релевантните институции да биде на високо ниво“, се наведува во соопштението од АВМУ.

АВМУ денеска извести дека Министерството за внатрешни работи (МВР) доставило одговор во врска со барањето за информација дали лицето Бојан Јовановски било обезбедувано од ова министерство како сопственик на 1 ТВ.

„Во одговорот е наведено дека МВР нема преземено никакви мерки и активности за обезбедување на наведеното лице, врз основа на што и воопшто не се ангажирани полициски службеници за негово лично обезбедување“, се наведува во одговорот од МВР.

Агенцијата продолжува со постапката за утврдување на фактичката состојба за можното тајно содружништво во 1 ТВ, поради што се обрати и до Основното јавно обвинителство за гонење организиран криминал и корупција. Информации ќе бидат побарани и од други институции, се додова во соопштението на АВМУ.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close