Музиката е полна со изненадувања, но Ози Озборн отиде чекор понапред - Слободен печат

Музиката е полна со изненадувања, но Ози Озборн отиде чекор понапред

За Ози не треба многу да зборуваме, тој е синоним за хардкор музика – рок, метал, хеви метал, а иако знаел и од порано да прави експерименти, ова најновото е нешто сосема поинакво.

Ози сега е гостин во песна на новата генерација на рап ѕвезди – Пост Малоун и Тревис Скот! Звучи неверојатно, но навистина е така.

Всушност се работи за песна на Пост Малоун, во која Ози и Тревис се гости, а станува збор за нумерата „Take what you want from me“, која е дел од новиот албум на Малоун под назив „Hollywood’s Bleeding“.

Песната е објавена пред точно 11 дена, а веќе има речиси девет милиони прегледи на Јутјуб и бројни коментари, кои секако во најголем дел се однесуваат за иконата на рок и метал музиката.

Сите го коментираат Ози и неговата најнеочекувана соработка во кариерата со овие момци кои немаат толку години колку што тој владее на музичката сцена, а со целата должна почит, ниту тронка музичко наследство од она што и сега да се пензионира би го оставил Ози зад себе.

Прочитајте и...  Протести во Газа поради мировниот план на Трамп: Палестина не е на продажба

Но, годините се најмал проблем, работата е тоа што песната е чиста комерцијала и нема никаква поврзаност со стилот на Ози, а тој сепак е во неа.

Иако кога ќе ја пуштите песната и го погледнете „засташувачкото“ лого на новиот албум на Пост Малоун, па за кратко ќе го слушнете и препознатливиот вокал на Озборн, веројатно ќе си помислите дека станува збор за чисто негова „метал“ песна, сепак тоа чувство ќе го загубите по само неполни 20 секунди, кога се паѓа во вода, и  веќе тогаш сфаќате дека станува збор за сосема поинаков музички правец, во кој веднаш по тој вовед Ози буквално „се губи“.

Кога веќе оваа соработка е реалност и навистина се случува, а сите ние не халуцинираме, навистина ме интересира дали можеби ќе видиме и видео запис за песната, па во него и Ози со „џоинт“ во рака како рапува со овие „деца“.

Прочитајте и...  Сервер: Трамп со успех на Косово сака да го сврти вниманието од импичментот

Сметам дека само тоа би можело да биде поголема сензација за и така веќе шокираната публика, покрај потресот кој веќе го доживеаја сите, посебно оние повозрасните кои го следат Ози уште од неговите почетоци на сцената.

Од друга страна, во музиката сме гледале секакви комбинации, варијацијата во музичките стилови и флексибилноста на уметниците не е ништо ново, дури ниту за старите рокери, но сите ќе се сложиме дека ова веќе е чекор понапред од сѐ останато.

Сетете се само на Стинг, кој ќе кажеше дека славниот рокер познат најпрво како фронтмен на „Полис“, а потоа и музичар со богата и успешна соло кариера, ќе направи не само песна, туку и цел албум со Шеги, познатиот реге музичар, чиј музички стил нема допирна точка со оној на Англичанецот.

Прочитајте и...  ЕК планира да ги укине најмалите по вредност монети на еврото

Сепак, двајцата музичари уживаа во своето заедничко дружење, дури видовме и спот во кој Стинг е во Кингстон, се прилагодува на тамошната атмосфера и прилично успешно ја помина својата несекојдневна авантура со Шеги.

И не се само тие, имаме и други примери каде музиката знаела да ни приреди такви изненадувања, сепак за човекот кој иако е доста ексцентричен, но отсекогаш доследен на својот правец и еден од главните претставници на метал музиката, никој не се надеваше и не очекуваше дека ќе направи толку голема отстапка.

За тоа дали песната е добра или не, нема што да се зборува, бидејќи нели за вкусови не се дискутира, едноставно само уште еднаш можам да го изразам своето големо изненадување, а останува на вас да ја слушнете песната во продолжение и да дадете свое мислење.

Прочитај повеќе

Србинка сподели приказна од Вухан: Луѓето се исплашени, паничат, нема настава во училиштата!

Слободен печат

Балканскиот Ескобар во Атина не носел оружје и користел јавен превоз

Слободен Печат

Импичментот- „предизборно оружје” кое го користат партиите меѓусебе

Слободен печат

Пропадна уште еден обид за формирање на влада во Косово

Слободен печат

ОБНОВЕНО: Земјотресот ја погоди Албанија, а не Македонија – ЕМСЦ објави грешен податок

Слободен печат

Реанимиран и хоспитализиран турист со корона вирус во Париз

Слободен печат

Остави Коментар

fourteen − 12 =

Прочитај повеќе

Сириската војска презеде контрола врз стратешки град

Слободен Печат

Силниот земјотрес во Албанија предизвика паника кај населението

Слободен Печат

Силен земјотрес ја стресе Албанија, почувствуван и кај нас

Слободен печат

Нетанјаху: Ова е историски ден, мировниот план за Блискиот Исток е исклучителен

Слободен печат

Совети за безбедно патување во услови на епидемија од коронавирусот

Слободен Печат

На аеродромите во Грција се спроведуваат превентивни контроли за корона висрусот

МИА Агенција