Музичката икона Шер и на 74-годишна возраст изгледа како млада девојка: Сите знаеа дека ќе стане позната! (ФОТО)
Пејачката Шер на 20 мај наполни 74 години, меѓутоа според тоа како изгледа, никој не може да верува дека тоа е вистина. Оваа дама е сопственичка на Оскар, Греми, Еми и три Златни глобуси.
Шер е родена како Шерлин Саркисијан Лапјер во калифорнискиот град Ел Сентро. Детството не ѝ било лесно, што можеби и го одбележал нејзиниот живот подоцна полн со успеси и падови.
Мајката на повремената манекенка и статистка работела како келнерка за да ја издржува својата ќерка, а се венчала и разведувала повеќе пати, поради што и многу често се селеле. Сето тоа влијаело на Шер. Никогаш немале доволно пари, а пејачката се присетила дека лепела гуми на чевлите за да не ѝ се распаднат. Во еден тежок период, мајка ѝ дури ја оставила во дом на неколку недели. И покрај тоа што скоро секој ден се гледале, тоа било трауматично искуство за малата Шер.
Кога имала само 9 години, Шер развила невообичаено длабок глас по кој и денес е препознатлива. Тоа го негувала како дар. Во 5-то одделение таа го продуцирала мјузиклот Оклахома за своите професори и соученици. Таа собрала група на девојки и ја смислила кореографијата која требала да се изведе. Бидејќи не успеала да ги убеди момчињата да учествуваат, самата ги изведувала нивните улоги и пеела музички песни, што одлично одговарало на нејзината боја на гласот. Еден нејзин соученик се присетил на првиот пат кога ја здогледал Шер:
„Беше навистина посебна“
„Таа изгледаше како филмска ѕвезда, токму тогаш и на тоа место. Рече дека ќе биде позната и сите знаевме дека тоа ќе се случи. Иако никогаш не беше одличен ученик, од неа зрачеа креативност и интелегенција. Беше одлична по француски и англиски“
Сепак, на 16 години сфатила дека има дислексија и за неа нормалното школување тогаш било незамисливо. Одлучила да го напушти училиштето и започнала да посетува приватни часови по глума. Подоцна таа се присетила:
„Никогаш со мислите не бев на училиште. Обично се замислував како ќе изгледа мојот живот кога ќе бидам возрасна личност и ѕвезда“.
Таа ја напуштила мајка си и заедно со една пријателка започнала да живее во градот на ѕвездите – Лос Анџелес. За да се издржува играла во холивудските клубови и користела можност да се запознава со изведувачи, менаџери и агенти.
Не се двоумела да пријде на било кој кого сметала дека би можел да ѝ помогне да дојде до некаква аудиција.
На 17-годишна возраст дошла до средбата која во голема мера ја одбележала нејзината кариера, но и живот. Во ноември 1962 година, Шер го сретнала изведувачот Сони. Салваторе Боно бил музичар, тонски снимател и помошник на познатиот холивудски продуцент Фил Спектор.
Познато е дека пејачката има фобија од стареење, поради што се труди секогаш да изгледа негувано и свежо, а поради тоа подлегнала и под голем број операции, Сепак, кога ќе се споредат нејзините слики од младоста и сликите кои се неодамна направени, пејачката изгледа потполно исто.
