Мустафа: Преговорите со Самоопределување не се замрзнати, не треба да има недоверба меѓу нас
Претседателот на Демократската Лига на Косово, Иса Мустафа, по средбата со претседателите на ограноците на партијата, истакна дека разговорите со Движењето Самоопределување не се замрзнати.
Според него, прашањето за тоа кој ќе биде нов претседател на државата, е принципиелно прашање за неговата партија.
-Договорени сме за владината програма, ни простануваат само неколку работи, ние ќе продолжиме во градењето на доверба и ако довербата продолжи, тоа ќе се види и во идната влада и околу претседателот, кое за нас е принципиелно прашање, што треба да се случи. Нема ниту едно персонално барање во овие разгововори што сме ги воделе досега. За претседателот, кога ќе дојде време органите на ДЛК ќе го објават името, треба само да постои волја и доверба, за да се гласа Курти за премиер и да му ја дадеме оваа голема одговорност и да не се сомневаме, бидејќи ако се сомневаме работите нема да ни одат добро, затоа ние ќе продолжиме да бараме решение, денеска немаме закажано средба- истакна Мустафа.
Инаку, веќе неколку недели, двете партии, Движењето Самоопределување и Демократската Лига на Косово се обидуваат да најдат решение за заедничко владеење, но точката која ги разделува партиите е името на новиот Претседател на државата.
Од Демократската Лига на Косово, инсистираат тоа место да им припадне нив, додека Движењето Самоопределување бара заеднички кандидат.