Висар Муслиу, еден од дефанзивците во најдобрата македонска репрезентација се надева дека во првите два натпревари од новото издание на Лигата на нации ќе се претстават во најдобро можно светло.

Според играчот на унгарскиот клуб, МОЛ Фехервар, целта на секој натпревар е победа, но тоа треба да се докаже на терените.

– Среќни што сме заедно по веќе 10 месеци. Очекувањата ни се исти, откако почнавме да играме во Лигата на нации, нашата цел е само да одиме на победа, тоа го имаме во глава како победнички менталитет.

Но, тоа не кажува ништо доколку тоа не го покажеме на теренот. Се надевам дека ќе се подготвиме што е можно подобро, да одиграме на вистинско ниво против Ерменија, а потоа здрави и живи против Грузија – вели одбранбениот играч на нашата А селекција, Муслиу.

Во рамките од Лигата „Ц“ (група 2), в сабота (5 септември), избраниците на селекторот Игор Ангеловски на Националната Арена „Тодор Проески“ ќе се соочат против Ерменија, а три дена подоцна во Тбилиси од 18.00 часот со Грузија.

Спировски: Фаворитската улога треба да ја потврдиме на терен