Хрватска во епско полуфинале во кое се играа и продолженија ја совлада Норвешка со 29:28 и в недела во финалето ќе го лови првото европско злато.

Јунак на „коцкестите“ е пикерот Жељко Муса кој во последните секудни го постигна победоносниот гол во натпреварот на кој се играа две продолженија.

Zeljko Musa’s third goal of the tournament – and the one which really counts!@HRStwitt ??#ehfeuro2020 #dreamwinremember pic.twitter.com/ZxruhSscMU

— EHF EURO (@EHFEURO) January 24, 2020

Иако за многумина Норвешка беше главен фаворит за златниот медал, Хрватите одлично го започнаа мечот, селекторот Лино Червар покажа дека е вистински гениј, постави одлична одбрана со која го запре нападот на Норвешка на само 10 голови во првото полувреме кое неговите избраници го добија со два гола разлика (12:10).

Во вториот дел, Норвежаните се созедоа и со серија од 7:3 дојдоа и до предност од 17:16 и ја вратија максималната неизвесност. До крајот на регуларниот дел се играше гол за гол, а шутот за победа на Домагој Дувњак беше блокиран од Норвежаните по што се замина во продолженијата од пет минути.

Во првите продолженија, повторно Дувњак одлучуваше, но овој пат го реализира пеналот откако истече времето и го однесе натпреварот во нови продолженија од по пет минути.

Во ист ритам продолжија и вторите продолженија. Се играше гол за гол, а по 75. минути резултат повторно беше израмнет (28-28). Во последните пет минути немаше гол се до последниот напад кој успеа да го реализира Муса и да и донесе на Хрватска победа од 29-28.