Екипата на Ливерпул во големото дерби во Премиер лигата со 3:1 го совлада Манчестер сити и направи голем исчекор кон шампионската титула. „Црвените“ по 12 кола има 34 бодови од можни 36, но што е поважно му избега на Манчестер сити за девет бодови.

По поразот менаџерот на „граѓаните“, Пеп Гвардиола се жалеше на судењето и ВАР-технологијата, тој смета дека неговиот тим е оштетен за дури два пенали. Гвардиола со однесувањето по натпреварот го налути Жозе Мурињо кој веднаш се јави со коментар.

– Мислам дека доволно зборувавме за судењето. Ова ме нервира. Што е доста, доста е. Натпреварот беше толку добар да е навистина штета за да се зборува за други работи. Манчестер сити е предобра екипа за една недела да плаче поради една спорна ситуацијата. Треба да се фокусираат на сопствената игра и да видат што можат да подобрат – рече Мурињо.