Мурињо со порака до Клоп и Гвардиола: Никој не плачеше за нас!
Менаџерот на Тотенхем Жозе Мурињо им испрати порака до Јирген Клоп (Ливерпул) и Пеп Гвардиола (Манчестер сити) кои се најгласни поради многу напорниот ритам на натпреварите оваа сезона.
Да потсетиме, поради згуснатиот календар кој силно го диктираат пандемијата на коронавирусиот и ТВ-куќите, англиските клубови играат практично на секои три дена од август. Клоп неодамна стана најгласен за ваквиот проблем, редовно по мечевите, повикувајќи ги ТВ-станиците поради алчност за пари и барајќи да се врати правилото со пет замени. Гвардиола се согласи со неговиот германски колега.
Но, Мурињо истакна дека Клоп и Гвардиола не биле толку гласни кога неговиот Тотенхем одигра осум натпревари во рок од 18 дена на почетокот на оваа сезона.
Мурињо: Не плачеа за нас!
– Во еден момент одигравме четири натпревари во една недела, тогаш не слушнав плачење или поддршка заради нас. Сега моите колеги се многу гласни за овој проблем – рече Мурињо пред дербито со Арсенал викендов.
Тотенхем влегува во одлична позиција на дербито против Арсенал со 21 бод од 10 кола. Тој го држи врвот на табелата и тоа му дава сигурност, тврди португалскиот стратег.
– Сега сме во многу добра позиција, затоа влегуваме во овој натпревар со поинаков менталитет. Ние сакаме бодови и не е само да одиме да победиме за да им дадеме на нашите навивачи добро чувство како минатата сезона. На крајот на сезоната игравме против Арсенал и тоа беше единствената мотивација затоа што немавме многу бодови. Не треба да заборавиме дека историските ривалства како ова имаат големо влијание врз навивачите – додаде Мурињо на прес-конференцијата пред натпреварот.
Тотенхем ќе го пречека Арсенал в недела од 17.30 часот. На табелата во Премиер лигата првото место го делат Тотенхем и Ливерпул со по 21 бод, два повеќе од третопласираниот Челси, а Арсенал е на 14 место со 13 бодови.
Македонецот на „Стемфорд Бриџ“: Алиоски не се плаши од Челси!