Жозе Мурињо и Тотенхем во 2020 година доживеаја пораз на првиот натпревар против Саутемптон, а натпреварот го одбележа потегот на Португалецот. Имено, тој во второто полувреме дојде до клупата на Саутемптон и влезе во вербален конфликт со еден од асистентите на Ралф Хасенхутл. Денеска Мурињо си најде нова „жртва“.

– Судиите на теренот повеќе не се главни судии. Тие станаа помошници, а главните одлкуки ги носат судиите кои се наоѓаат во ВАР собата. Мислам дека ВАР технологијата треба да се преименува во видео судии. Прекршокот над Деле Али во шеснаесетникот на Саутемптон беше чист пенал, а ВАР воопшто не ја прегледа таа ситуација.

Подоцна го проверуваа стартот на голманот на Саутемптон над Деле Али во кој беше се чисто само за да се оправдаат за претходниот спорен момент кој не го прегледаа. Мислам дека примената на ВАР оди во погрешна насока – изјави Мурињо.