Мурињо со новогодишна желба од 100 милиони евра!
Жозе Мурињо се врати како менаџер во Тотенхем кој сезонава игра доста променливо, а Португалецот ќе се обиде во на почетокот од 2020. година да потроши пари за повеќе од еден трансфер.
Како што пренесуваат британските медиуми, Мурињо ќе се обиде да ја освежи одбраната и средниот ред, а главна „мета“ во јануари ќе биде Калиду Кулибали.
Ќе се обиде да ја искористи лошата „атмосфера“ во Наполи и воедно го убеди Аурелио де Лаурентис да го продаде својот играч без кој одбраната на калчолигашот би била уште послаба.
Jose Mourinho 'targeting huge £90m swoop for Napoli defender Kalidou Koulibaly' https://t.co/eV3sxyKieH #tottenham #coys #thfc
— Spurs Breaking News (@SpursNews247) December 9, 2019
Кулибали беше еден од водачите на италијанскиот клуб заедно со Алан, Инсиње и Мертенс во побуната и одбивањето да се вратат во карантин, по што скоро цел тим, вклучувајќи го и нашиот Елиф Елмас, беше казнет со откинување на дел од нивните плати.
После шпекулациите дека Тоби Алдервирелд и Јан Вертонген (во последната година од нивните договори) наредното лето ќе си одат како слободни играчи, Мурињо сака да одвои дури 100 милиони евра за услугите на Кулибали.
Исто така можно е португалскиот менаџер повторно да соработува со Маруан Фелаини, а најверојатно се откажува од планот да го ангажира Немања Матиќ кој се очекува да направи трансфер во Интер. На позицијата на Фелаини Тотенхем ги има Ерик Дајер, Муса Сисоко и Хари Винкс.