Мурињо пред три години во Скопје го водеше Манчестер јунајтед! (ВИДЕО)
Португалскиот менаџер повторно е во нашиот главен град, а причина е настапот на неговиот клуб Тотенхем во рамките од третото квалификациско коло во Лига Европа против Шкендија.
Дуелот е денеска од 20.00 часот на Националната арена „Тодор Проески“, а победникот ќе игра во плеј-офот каде што ќе се соочи со Ростов или Макаби Хаифа.
Жозе Мурињо и пред три години, поточно на 8 август 2017 година беше во Скопје, но како менаџер на Манчестер јунајтед.
Тогаш, Португалецот беше дел од спектаклот на УЕФА Суперкупот кога „црвените ѓаволи“ загубија од Реал Мадрид (2:1) предводен од францускиот стратег Зинедин Зидан.
На тој натпревар „кралевите“ водеа со головите на Касемиро и Иско, а единствениот стрелец екипата од „Олд Трафорд“ беше Лукаку.
Вистински европски тест за Шкендија, тетовските „црвено-црни“ сонуваат сензација против Тотенхем