Кариерата на „специјалниот“ Жозе Мурињо во последните неколку години е во пад, а во последниот тим во кој работеше, Тотенхем, беше далеку од резултатите кои ги постигна неговиот претходник Маурицио Покетино.

Пред Тотенхем, Португалецот го предводеше и Манчестер јунајтед со кого успеа да триумфира во Лигата на Европа, но изостанаа успесите во Премиер лигата поради што и се раздели со „црвените ѓаволи“.

Но, Мурињо не остава впечаток дека е потресен од отказот во Тотенхем и одлучи да земе пауза од фудбалот иако имаше неколку интересни понуди, како тие на Валенсија и на Рома.
– Немам никакви планови, ќе продолжам да водам нормален живот. На одмор сум и мирен сум. Ќе имам доволно време да правам работи низ домот но и за анализи – изјави Мурињо за „Тајмс“.

Португалецот истакна дека нема да брза со враќањето на фудбалот.
– Ќе почекам со враќањето во фудбалот. Мислам дека за изборот на идниот клуб нема да биде важно името, туку вистинската култура. Можеби е прерано да се вратам идната сезона. Ќе видиме – додава Мурињо.

Мурињо во улога на критичар за натпреварите на Европското првенство