Мурињо: Јас никогаш не губам, или победувам или учам
Жозе Мурињо по преземањето на Тоетнхем ја прероди екипата, триумфира на трите натпревари и ги врати насмевките и кај навивачите и кај фудбалерите. Утревечер Мурињо за прв пат се враќа на „Олд трафорд“ по отказот кој го доби минатиот декември.
Во дербито на 15. коло, Тотенхем му гостува на Манчестер јунајтед и ќе се обиде да ја продолжи кризата која владее на „Олд трафорд“.
– Манчестер јунајтед за мене е завршена приказна. Ми беше убаво таму, а уживав и откако добив отказ. Не ме интересира Јунајтед, него го анализирам само како иден противник и како да го победиме. Како тие можат да не победат? Само тоа е важно за мене.
Одлично се чувствувам пред враќањето на „Олд трафорд“ на кој бев прекрасно дочекан кога дојдов како коментатор – вели Мурињо кој имаше интересен одговор на прашањето за времето поминато во Јунајтед:
– Јас никогаш не губам. Или победувам или учам. Во Јунајтед победував и учев и извлеков големо искуство од времето поминато таму. Но, сега тоа е зад мене.