Мурињо: Го почувствуваме стравот од Шкендија, замените ја направија разликата!
Португалскиот менаџер на Тотенхем задоволен што неговиот клуб се пласираше во плеј-офот на Лига Европа каде што ќе ги одмери силите против израелскиот состав на Макаби Хаифа.
Жозе Мурињо откако пред три години беше неуспешен со Манчестер јунајтед во УЕФА Суперкупот, вечерва го напушта Скопје победнички откако неговата со 1:3 славеше против Шкендија во третото квалификациско коло на ЛЕ.
После израмнувачкиот гол на 1:1, четири-пет минути подоцна Мурињо направи две замени, шанса за настап добија Кејн и Ло Селсо, а во 65 минута Лукас го замени Бергвајн.
Токму Лукас и Кејн многу подобро ја раздвижија играта на Тотенхем, а тоа се резултираше со два голови во мрежата на Захов.
– Во првото полувреме 41 минута бевме без реализација и тогаш му дадовме повеќе простор за игра на противникот. Во второто полувреме замените кои ги направив ја направија разликата, донесоа поразличен интензитет.
Стартувавме многу силно и помисливме дека голот на Ламела ќе ја скрши играта, но не беше така. Шкендија ни даде поразличен меч и го почувствувавме стравот кога израмнија домаќините. Беше фундаментално да реагираме и потоа беше тешко за противникот да ги спречи нашите напади. Не игравме одлично, но ја завршивме задачата – се зборовите на менаџерот на Тотенхем, Мурињо.