Мухамед било најпопуларното име за момчиња во Англија и Велс во 2023 година, а тоа го замени Ноа, име кое сега е на второ место, покажаа официјалните бројки објавени во четвртокот. Мухамед е во првите десет најпопуларни имиња за новородени момчиња од 2016 година, а беше на второто место во 2022 година, објави Канцеларијата за национална статистика (ONS).

Оливер го замени Џорџ како трето најпопуларно име, пренесува „Би-би-си“.

За девојчињата, трите најпопуларни имиња во 2023 година се Оливија, Амелија и Исла, исто како и претходната година.

Надлежните наведуваат дека светот на славните влијаел на популарноста на некои имиња како што се Реин и Сеинт, моделирани по семејството Кардашијан-Џенер. Често се појавуваат и имиња на популарните музичари, како она тинејџерската ѕвезда Били Ајлиш.

Имињата што ги носат членовите на кралското семејство, како Чарлс, Џорџ и Хари, стануваат сѐ помалку популарни.