Ирскиот министер за здравство, Сајмон Херис, изјави дека две лица намерно се искашлalе во неговото лице, како дел од „играта“ која се шири на социјалните мрежи, пишува „Гардијан“.

Херис на прес-конференција за состојбата со коронавирусот во таа земја откри дека му пристапила една двојката вчера додека одел од зградата на Владата до неговата канцеларија во Министерството за здравство во центарот на Даблин.

-Мислеа дека е смешно да ми пријдат и да кашлаат гласно, а потоа да побегнат … се чини дека станува збор за игра на социјалните медиуми, но не е игра, тоа е одвратно- рече Харис.

Simon Harris slams ‘pathetic’ couple who coughed on him https://t.co/fjj6bnvAh2 pic.twitter.com/h9tXGkeew6

— Independent.ie (@Independent_ie) March 25, 2020

Според него, оние што го прават ова намерно ги напаѓаат постарите лица. Тој ги повика да размислат за масовните смртни случаи што во моментот се случуваат во Италија, Шпанија и другите делови на светот.

-Само помислете дека тоа е вашата баба, дедо, мајка, татко, вашата пријателка со дијагностицирана цистична фиброза. Ваквите однесувања треба да бидат строго казнети со според закон- додаде тој.

Ирската полиција добила неколку пријави за млади кои кашлаат во постари лица, но ваквите случаи се ретки. Ова може да биде кривично дело според Законот за јавен ред, оценува британски „Гардијан“.