МТСП: Мерката „Вработување и раст на правни субјекти” поддржана со 28,5 милиони денари
Една компанија може да аплицира за поддршка до пет вработувања. Обврска на компанијата е младите лица да ги задржи на работа најмалку една година.
На 186 компании кои склучиле договор со МТСП за мерката „Вработување и раст на правни субјекти” денеска на сметките ќе им легнат 28,5 милиони денари.
Од МТСП велат дека оваа мерка вродила со плод бидејќи според нивните статистики со неа биле вработени 268 лица.
Компаниите грантот ќе може да го искористат за набавка на нова опрема или репроматеријали се вели во соопштението на министерството.
Структурата на работните места отворени со мерката покажува дека повеќе од половина или 147 лица имаат до 29 години и за нив компаниите добиваат неповратни 153.750 денари по лице.
Една компанија може да аплицира за поддршка до пет вработувања. Обврска на компанијата е младите лица да ги задржи на работа најмалку една година.
И за втората активна мерка за вработување „Субвенционирање на плати”, велат од Министерството, компаниите покажале исклучителен интерес.