МСУ: Нов број на „Големото стакло“
Новиот број на списанието за современа уметност, култура и теорија „Големото стакло“, кое го издава Музејот на современата уметност – Скопје, е фокусиран на постхуманизмот, вклучувајќи есеи, уметнички проекти и извештаи, кои критички дискутираат и презентираат различни гледишта во врска со темата.
Изданието е конципирано во три секции поврзани помеѓу себе и именувани како „Постхуманистичка телесност“, каде што прилозите се однесуваат на различното поимање на „телото“ во однос на хуманистичката традиција; потоа „Пејзаж на вознемиреност“, каде што прилозите посочуваат на релациите на културата со животната средина, екологијата и климатските промени; и последниот тематски дел е „Погледи кон радикалниот хоризонт“, каде што се дискутира како постхуманистичките перспективи се вклучени во самиот чин на политиката и културата.
Главен и одговорен уредник на списанието е Тихомир Топузовски.
(Текстот е објавен во „Културен печат“ број 18, во печатеното издание на „Слободен печат“ на 15-16 февруари 2020 година)