МРАЧНАТА СТРАНА на апликацијата FaceApp – Слободен печат
Ви ПрепорачувамеМагазинТехнологија

МРАЧНАТА СТРАНА на апликацијата FaceApp

Иако компјутерските експерти веќе некое време предупредуваат дека оваа апликација може да направи поголема штета отколку корист, таа сè уште има високи оценки на App Store и Google Play Store и голем број задоволни корисници.

Друштвените мрежи низ целиот свет деновиве ги преплави апликацијата FaceApp, која покажува како ќе изгледаме кога ќе остариме. Милиони луѓе се забавуваат и ги споделуваат своите фотографии на социјалните мрежи.

Но секоја приказна има две страни, па на Интернет брзо се проширија информации дека апликацијата е само трик на руски хакери кои се обидуваат да дојдат до вашите лични податоци.

Најголем проблем е што ретко кој ги чита правилата за користење и дава согласност за сè, без да биде свесен за тоа.

„Сериозно сум загрижен за безбедноста на податоците кои FaceApp ги собира, но и бидејќи не сум сигурен дали корисниците се свесни кому му даваат пристап“, со овие зборови американскиот сенатор Чак Шумер побарал од ФБИ да истражи дали популарната апликација претставува закана за граѓаните.

Сите кои ќе ја инсталираат апликацијата и ќе ги прифатат условите на користење на FaceApp на апликацијата ѝ дале дозвола да ги користи нивните фотографии, име, презиме, корисничко име и сите останати податоци од нивните мобилни телефони.

Од ова не се поштедени ни оние корисници кои ја имаат исклучено опцијата за пристап на фотографиите што се наоѓаат на нивните мобилни.

Зад апликацијата настаната во 2017 година стои руската компанија Wireless Lab и Јарслав Гончаров, поранешен инженер на „Мајкрософт“ и „Јандекс“.

Иако компјутерските експерти веќе некое време предупредуваат дека оваа апликација може да направи поголема штета отколку корист, таа сè уште има високи оценки на App Store и Google Play Store и голем број задоволни корисници.

Сепак, поединци и понатаму се сомневаат во нејзиниот исклучиво забавен карактер и се уверени дека сите необработени фотографии автоматски ги складираат на сервер без ваше одобрување.

Преземањето на оваа содржина или на делови од неа без непосреден договор со редакцијата на Слободен Печат значи експлицитно прифаќање на условите за преземање, кои се објавени на сајтот.

Тагови

Напишете коментар

Вашата адреса за е-пошта нема да биде објавена. Задолжителните полиња се означени со *

Close