Се поголемиот број увезени случаи на коронавирус во Кина, се закануваат да поттикнат втор бран на инфекцијата. Кинеските медкуми тврдат дека првиот бран „во основа е запрен“. Тоа денеска ги потврди и високо здравствено официјално лице, меѓутоа тој останува внимателен и наведува дека благото ограничувањето на патувањето е голем ризик.

Ројтерс наведува податок дека од нултиот пациент во Вухан, па се до денес во Кина од странство се вратиле 693 граѓани кај кои е откриен Ковид – 19. Ројтерс ги пренесува зборовите на Ми Фенг, портпарол на Националната здравствена комисија, кој наведува дека „можноста за нов круг на инфекции станува релативно голема“.

„Пекинг, нашиот главен град, се уште е во голема опасност. Нема причина да одмарате и да се опуштате. Не е време дека можеме да кажеме се оди добро“, им рече на новинарите Ксу Хејиан, портпарол на владата во Пекинг.

Во континтална Кина досега починаа вкупно 3.300 луѓе, а евидентирани се 81.439 граѓани со инфекција.