Настапот на полувремето на Супербол во САД е навистина голема привилегија, бидејќи милиони луѓе го следат овој настан преку малите екрани ширум светот, како и на преполниот стадион.

Ако го погледнавте енергичниот настап на Шакира и на Џенифер Лопез, веројатно се прашувате колку заработија овие две пејачки за нивниот 15-минутен перформанс?

Најверојатно ќе се изненадите од овој факт, но двете латино диви настапуваа бесплатно!

Пејачите кои настапуваат на ова познато полувреме не добиваат паричен надомест за својот перформанс. НФЛ го покрива само синдикалниот обем, што значи дека се подготвени да платат минимален број работници, кои треба да ги одработат основните работи околу организацијата на овој спортски настан и ги плаќаат трошоците на продукцијата.

„Вол стрит журнал“ тврди дека тие минимални трошоци изнесуваат околу 10 милиони долари во последниве неколку години.

Изведувачите сметаат дека е голема чест да настапуваат на Супербол и повеќето од нив тврдат дека сонуваат да настапат на овој настан и дека, ако некогаш добијат прилика за тоа, нема да ја одбијат без оглед на тоа што нема да бидат платени.

Втората причина е масовната експонираност.

Супербол секоја година го гледаат повеќе од 100 милиони гледачи.

Лејди Гага по нејзиниот перформанс на Супербол доживеа огромен скок на плеј-листите, а и стримингот на песните на Џастин Тимберлејк е масовно зголемен по неговиот настап на полувремето, пренесува Воменсхелт.