Мотор Запорожје, во чии редови до сега настапуваше нашиот репрезентативен пивот Жарко Пешевски, ги договорил сите детали на средбата во Виена со претседателот на СЕХА, Михајло Михајловски.

– Ова е заемно корисен договор, бидејќи СЕХА ќе има тим кој редовно игра во ЛШ и доаѓа од голема земја, Украина. Ова освежување е добро за ракометот, СЕХА и Мотор кој одлично ќе се вклопи, поради новиот натпреварувачки систем во кој ќе имаме две групи од по шест тимови. Мотор ќе игра следната сезона во СЕХА која секоја година станува сè подобра – рече Михајловски.

HC Motor Zaporozhye are the new SEHA club in the #9th season ?https://t.co/xd4L3ZeTSK#SEHALeague #Gazprom #experiencehandball pic.twitter.com/KI9kSYG508

— SEHA-GAZPROM LEAGUE (@SEHALeague) June 2, 2019

Претседателот на украинскиот клуб, Олимпиј Покатов е сигурен во искуството кое ќе се добие на ваквите регионални мечеви.

– Нова страница во историјата на нашиот клуб. Една лига со силни извонредни противници. Мотор е амбиоциозна екипа и сакаме да бидеме учесници на Ф4 турнирот во Лигата на шампионите. Ако сакаме да напредуваме, мораме да стекнеме искуство од натпреварите со најдобрите тимови – се зборовите на Покатов.