Ова беше прва победа за младиот Французин откако е возач на фабричкиот тим на Јамаха, а вкупно четврти во кралската класа. Тој низ целта помина со речиси една и пол секунда предностг во однос на второпласираниот Жоан Зарко од Прамак Дукати кој пак во фото-финшот беше побрз од тимскиот колега Хорхе Мартин. Зарко стана првиот француски возач кој 50. пати се нашол на победничкиот подиум во сите класи.

Квартараро и Зарко станаа првите Франзуци кое заедно се на победничкиот подиум во кралската класа за прв пат од далечната 1954 година.
Квартараро до победата дојде во последните кругови, откако првиот дел беше речиси неприметен. На пет кругови до крајот, возачот на Јамаха го претекна Зарко и почна со нападите на лидерот Мартин кој водеше во трката од самиот почеток.
И двајцата возачи се менуваа во водство, но по последното престикнување на Квартараро стана јасно дека Мартин нема да може да го следи ритамот на ривалот, а и дека тешко ќе го задржи и второто место. Во самиот финиш на стартно целната линија, Зарко го помина Мартин, а четвртото место му припадна на Алекс Ринс од Сузуки, додека Маверик Вињалес кој славеше на првата трка во новата сезона заврши на петтото место.