Мото ГП: Марк Маркез најбрз во Ле Ман
Шпанскиот натпреварувач го освои првото место пред тандемот од Дукати, Андреа Довициозо – Данило Петручи, а зад нив во конечниот пласман се најдоа Џек Милер од Прамак Дукати и Валентино Роси од Јамаха.
Маркез ја имаше „пол“ позицијата и беше одличен на денешниот старт. Воедно ова беше 300. јубилејна победа на фабричкиот тим на Хонда во кралската класа.
Единствено изненади моментот кога во третиот круг беше престигнат од Милер на третата кривина, но неговото водство траеше само два круга и на истото место Маркез се врати на челната позиција.
? @marcmarquez93 proves too strong at Le Mans!
The world champion takes victory ahead of @AndreaDovizioso and @Petrux9! ???#FrenchGP ?? pic.twitter.com/0nLkqem8BX
— MotoGP™ (@MotoGP) May 19, 2019
Од останатите возачи треба да се одвои и Пол Еспаргаро кој на КТМ го обезбеди високото шесто место и Франко Морбидели кој продолжи со одличните настапи во текот на оваа сезона во Мото ГП со Петронас Јамаха.
Наредната трка од шампионатот ќе се вози на 2. јуни во легендарниот Муџело, за ГН Италија.
Моментно на табелата води Маркез со 95 бодови, пред Довициозно кој има 87. Трет е Ринс (75), три повеќе од Роси, а на петтата позиција е Петручи со 57.