МОСТ: Забележани две неправилности

Две изолирани неправилности се регистрирани во досегашното гласање за вториот круг од Претседателските избори од страна на набудувачите на граѓанската асоцијација МОСТ чии податоци покажуваат одѕив на гласачите од 21,3 проценти до 13 часот.

– На гласачко место (ГМ) 2248/1 во Штип, забележано е читање на глас на избирачите, а пред ГМ 0934 во Кратово забележано било присуство на неовластено лице, по што била повикана полиција која го отстранила лицето од пред гласачкото место – информира на прес-конференција Златко Димитријоски од МОСТ.

Според податоците добиени од ПВТ програмата (паралелно сумирање на гласовите), која претставува математичко-статистички научен метод, одѕивот на гласачите до 11 часот е 11,2 проценти, до 12 часот е 16,2 проценти, а до 13 часот е 21,3 проценти.

Граѓанската асоцијација МОСТ го следи гласањето со повеќе од 1.500 набљудувачи. На 1.160 гласачки места, избрани според случаен и репрезентативен примерок, распоредени се исто толку набљудувачи, со што се покриени 33 отсто од вкупниот број гласачки места во Република Северна Македонија.

Набљудувачите на МОСТ се статични, и според најавите ќе го следат процесот на гласање во текот на целиот ден. Покрај тоа, МОСТ има распоредено и 100 мобилни тимови, составени од по двајца набљудувачи, кои ќе служат за логистичка поддршка на статичните набљудувачи и повремено ќе ги набљудуваат местата на кои МОСТ нема распоредено статични набљудувачи. Дополнително, 80 набљудувачи ја набљудуваат работата на општинските изборни комисии, а се набљудува и работата на Државната изборна комисија.

Следната прес-конференција на МОСТ ќе се одржи во 17 часот.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот