Мората се врати во Јувентус
Алваро Мората по пауза од четири години повторно ќе го носи дресот на „старата дама“.
Мората во Јувентус за кого играше од 2014 до 2016 година, доаѓа редовите на Атлетико Мадрид.
Станува збор за едногодишна позајмица вредна девет милиони евра, а Јувентус наредното лето ќе има можност да го откупи договорот на Мората за сума од 45 милиони евра.
? @AlvaroMorata è al #JMedical! Visite in corso!https://t.co/m1gJk6Lqw5 pic.twitter.com/P3fTgvnR6w
— JuventusFC (@juventusfc) September 22, 2020
Според планот на новиот тренер на Јувентус, Андреа Пирло, Мората ќе биде трета опција во нападот. Пред да се договори со Шпанецот, Јувентус сакаше да ги ангажира Луис Суарез или Един Џеко, но трансферите пропаднаа и италијанскиот шампион се одлучи да го донесе својот поранешен играч.
Алваро Мората минатата сезона одигра 44 натпревари за Атлетико Мадрид и постигна 15 гола.
Во првиот мандат како член на Јувентус, Мората одигра 93 натпревари на кои даде 27 гола.