Морачанин: Еден од заедничките столбови на ДОМ и СДСМ е екологијата (ВИДЕО)
Уште на почетокот од годината во разговорите со СДСМ зборевме за програмските приоритети на ДОМ и околу тоа имавме разбирање и како еден од заедничките столбови ја најдовме екологијата.
-Ставаме клучен акцент на заштитата на животна средина. Потребно е и унапредување на законската регулатива и нејзина имплементација, изјави за „Утрински брифинг“ на „Слободна ТВ“ Маја Морачанин, претседател на ДОМ.
Посериозен пристап за проблемот со загадувањео на воздухот, ДОМ со поддршка за декриминализација на марихуаната.
-Строгата инспекциска контрола и казнување на неправилностите во работењето мора да има. Се соочуваме со големи проблеми и загадување на воздухот кое што е поизразено во зимскиот период и со тоа мора посериозно да се справуваме. Неказнивоста води кон повторување на прекршувањата.
ДОМ поддржува декриминализација на марихуаната. Во однос на нејзина легализација сметам дека тоа е поголема тема која бара сериозна анализа. Трендот во Северна Америка и Канада е легализирана, но ќе повторам потребна е сериозна анализа и испитување за оправданоста, изјави Морачанин.