Моника Белучи (56) со децении е на врвот на листата на најубави жени во светот. Вели дека не би се вратила на дваесетина години за ништо на светот, а кога станува збор за изгледот никогаш не крие на кои правила се придржува.

Моника тврди дека сега ги живее најубавите години од својот живот и изгледа спектакуларно. Секако, таа прво треба да им се заблагодари на добрите гени, но познатата актерка има и неколку строги правила кои ги следи за да ја „чува“ убавината. А станува збор за прилично едноставни правила:

Не ја мие косата секој ден

Моника ја мие косата најмногу двапати неделно, а наместо скапи маски за нега на коса, таа користи едноставно маслиново масло.

Не држи строги диети

Актерката смета дека никогаш не треба да ја ограничуваме разновидноста на храната што ја јадеме. Сепак, Белучи вели дека ако треба да изгубите неколку килограми, треба да ги намалите порциите и да јадете повеќе месо, риба и зеленчук.

Вежби за ум и тело

„Вежбај јога и пливај“, стои во фитнес планот на Моника Белучи. Овие вежби одржуваат одличен тон на телото без напорен тренинг.

Чистење на лицето

Моника пред спиење секогаш темелно ја чисти кожата на лицето, без оглед колку е поспана.