Монако е фабрика за пари: За осум години од продажба на фудбалери заработи неверојатни милијарда евра
Францускиот тим Монако е вистинска фабрика за правење пари, челниците на тимот од Кнежевстото во последните осум години заработиле неверојатни 1,06 милијарди евра од продажба на фудбалерите.
Монако магичната бројка од милијарда евра ја помина кога за 80 милиони го продаде Орелиен Чуамени на Реал Мадрид.
Првата голема продажба на челниците на Монако се случи во летото 2014 година кога за 75 милиони евра го продадоа Хамес Родригез на Реал Мадрид откако Колумбиецот одигра одлично на Светското првенство во Бразил.
Највеќе пари, францускиот тим заработи од Килијан Мбапе кога го продаде на ПСЖ за 180 милиони евра.
Голема заработка на Монако му донесе и продажбата на Бенжаман Менди (57,5), Бернардо Силва (60), Томас Лемар (72 милиони), Фабињо (45) ,Јури Тилеманс (56), Ентони Марсијал (60) и Темуи Бакајоко (45 милиони евра).