Учебници сепак нема да има во сите училишта до крајот на месецов
Министерството за образование и наука ја коригираше претходната информација во врска со динамиката на испорака на новите учебници за прво, второ, четврто и петто одделение во основното образование, која почна во текот на вчерашниот ден.
МОН известува дека до крајот на овој месец ќе биде завршена дистрибуцијата на 70 проценти од учебниците за овие одделенија.
„Станува збор за целосно нови учебници, изработени согласно новите наставни програми и тие ќе ги заменат наставните материјали кои ги користат најмалите ученици и кои им беа поделени пред почетокот на учебната година, а ја обработуваат материјата за првото тримесечје“, наведува МОН.
Министерството информира и дека веднаш по печатењето и испораката на учебниците за основното образование, продолжува печатењето на повеќе нови учебници за средното стручно образование.
Само неколку часа претходно МОН излезе со информација дека до крајот на месецот ќе се заокружи испораката на новите учебници за прво, второ, четврто и петто одделение во основното образование.
Почна дистрибуцијата на новите учебници за основно образование