МОН апелира наставниците и учениците да ги почитуваат мерките и надвор од училиштата

Родители го испраќаат своето дете во училиштето основното училиште „Киро Глигоров“ / 1 октомври 2020 година / Фото: Слободен Печат / Драган Митрески

Министерството за образование и наука апелира до наставниците и учениците доследно да ги почитуваат мерките за заштита од КОВИД-19 и одговорно да се однесуваат и надвор од работните места и од училиштата, со што ќе го спречат ширењето на болеста. Посочува дека заедно со Министерството за здравство и Комисијата за заразни болести ги презема сите мерки, препораки, протоколи, алгоритми и бара нивно целосно почитување од наставниците, учениците и родителите.

– Протоколите за заштита од заразата докажано функционираат доколу сите се придржуваме на пропишаните мерки за заштита. Од целокупното одговорно однесување ќе зависи и продолжувањето на наставата со физичко присуство во училиштата, нагласува МОН.

Министерството информира и дека наставата со учење од далечина успешно се спроведува и над 80 отсто од учениците ги следат часовите онлајн без никакви потешкотии.

За останатите ученици кои немаат уреди или интернет-конекција часовите се емитуваат на Македонската радио-телевизија, а наставниците имаат обврска да им доставуваат печатени материјали и да бидат во постојана комуникација со учениците за да го следат нивниот напредок во совладувањето на наставниот материјал.

МОН соопштува и дека е во постојана комуникација со директорите на училиштата и локалните самоуправи и тековно се работи на обезбедување услови за непречено функционирање на онлајн-наставата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот