Моминска забава според хороскопскиот знак: Девицата сака мирна прослава, а Скорпијата посета на стриптиз-клуб

Фото: Unsplash

Сакате да испланирате совршена моминска вечер за вашата најдобра другарка? Во тој случај, добро би ви дошле неколку совети од космосот, кои ќе ви помогнат да сфатите во што навистина би уживала идната невеста на нејзината последна вечер како „слободна“ девојка.

Овен

Невестата со хороскопски знак овен ќе сака моминска вечер која е забавна, енергична, но да не трае со часови. Таа сака да ја прескокне традицијата и да ги прави работите кои неа ѝ се допаѓаат, па затоа другарките треба дефинитивно да ја вклучат идната невеста во планирањето на моминската вечер.

Бик

Невестата родена во знакот бик ќе сака моминска вечер во која ќе бидат послужени разни видови закуски и скапо вино. Овој сензуален хороскопски знак тежнее по релаксирачка атмосфера, која ќе ѝ дозволи да го забави темпото и да ужива во моментот додека трае.

Близнаци

Забавната и безгрижна невеста родена во знакот близнаци најверојатно најмногу ќе ужива во својата моминска вечер доколку на неа со другарките играат „Вистина или предизвик“, „Врти шише“ или некоја друга игра од ваков тип. „Што повеќе, толку подобро“ е социјалното мото на близнаците, така што другарките треба да ги поканат сите девојки кои таа ги знае. Таа ќе ужива озборувајќи со секоја нејзина гостинка.

Рак

Убава храна и присуството на женски членови од семејството ќе направи милата невеста со хороскопски знак рак да биде среќна на нејзината моминска вечер. Имајте повеќе хартиени марамчиња при рака и направете многу фотографии и видеоснимки, бидејќи оваа чувствителна девојка најверојатно ќе пролее многу солзи-радосници додека слави и таа дефинитивно ќе сака секој момент да биде документиран.

Лав

Невестата со хороскопски знак лав ќе сака да биде во центарот на внимание на нејзината моминска вечер. Направете проекција на фотографии или краток филм во кој таа ќе биде главната ѕвезда. „Лавицата“ ќе ужива во аплаузот и пофалните зборови од нејзините другарки.

Девица

Невестата родена во хороскопски знак девица ќе ужива во богато сервирана трпеза и пријатен разговор со нејзините најблиски другарки. Ваквата класична забава збогатете ја со тоа што ќе повикате козметичарка која ќе ѝ направи специјален педикир и маникир со кој вашата девица ќе биде на „седмо небо“.

Вага

Моминска вечер помината во софистициран спа-центар, ќе ја направи романтичната вага среќна. После прекрасното уживање во неверојатен комфор заедно со најблиските пријателки, таа одвај ќе чека да се сретне со свршеникот и да ги сподели впечатоците од денот.

Скорпија

Невестата-скорпија со сигурност ќе сака провокативна моминска вечер. Без разлика дали станува збор за некакви одбрани секси поклони за првата брачна ноќ, стомачен танц или пак посета на машки стриптиз-клуб, невестата ќе си помине забавно. Бидете сигурни дека нејзината енергична страна ќе избие на површина во текот на ноќта.

Стрелец

Невестата родена во знакот стрелец нема да сака нешто премногу девојчинско за нејзината моминска забава. Наместо тоа, овој авантуристички дух најверојатно ќе сака да ја помине ноќта во некој забавен парк или правејќи нешто екстремно. Вака поминатата ноќ ќе ѝ се допадне многу повеќе, отколку да седи, да муабети и да грицка предјадења заедно со нејзините другарки.

Јарец

Конзервативната и внимателна невеста, родена во знакот јарец ќе ужива доколку нејзината моминска вечер вклучува почитување на традицијата и добриот вкус. Практичната невеста, исто така, ќе сака на нејзината моминска вечер да бидат поканети и некои другарки успешни во нивната кариера, со кои ќе добие шанса малку да поразговара додека се забавува.

Водолија

Невестата-водолија ќе сака нешто поразлично од вообичаеното за нејзината моминска ноќ. Астролог или читач на тарот карти би можеле да бидат интересни нешта кои ќе ѝ дадат космичка перспектива на ноќта во која таа ќе ужива.

Риби

Спиритуалната невеста родена во знакот риби, би сакала мала церемонија или некаков ритуал на нејзината моминска вечер. Масажа на стапалата со разни креми и етерични масла ќе ѝ причини големо задоволство на рибата, бидејќи и онака најчувствителен дел од нејзиното тело се токму стапалата.

Почитуван читателу,

Нашиот пристап до веб содржините е бесплатен, затоа што веруваме во еднаквост при информирањето, без оглед дали некој може да плати или не. Затоа, за да продолжиме со нашата работа, бараме поддршка од нашата заедница на читатели со финансиско поддржување на Слободен печат. Станете член на Слободен печат за да ги помогнете капацитетите кои ќе ни овозможат долгорочна и квалитетна испорака на информации и ЗАЕДНО да обезбедиме слободен и независен глас кој ќе биде СЕКОГАШ НА СТРАНАТА НА НАРОДОТ.

ПОДДРЖЕТЕ ГО СЛОБОДЕН ПЕЧАТ.
СО ПОЧЕТНА СУМА ОД 60 ДЕНАРИ

Видео на денот